GABAY SA PAGHIRAM NG PONDONG PANGNEGOSYO MULA SA OFW REINTEGRATION PROGRAM

• Ang nanghihiram ay isang OVERSEAS FILIPINO WORKER
• May siguradong merkado at establisado ang mamimili o kliyenteng pag-uukulan ng produkto o serbisyo
• May sapat na kita na umaabot sa P10,000 kada buwan
• Ang paggagamitan ng pondo ay bilang puhunan/dagdag-puhunan o kaya ay pambili ng kagamitang pang-negosyo gaya ng makina at paninda Ukol sa pondo
• Ang proyekto/negosyo ay cost-sharing. Ibig sabihin, ang total project cost ay paghahatian ng programa at nanghihiram kung saan 80% ay popondahan ng programa samantalang ang 20% ay magmumula sa nanghihiram.
• Maaaring umutang ng mula P300,000 hanggang P2 million
• May 7.5% interest kada taon sa kabuuang panahon ng pag-utang
• Para sa short term loans, ang pagbabayad ay sa loob lamang ng isang taon. Para sa long term loans, ang pagbabayad ay base sa cash flow at hindi lalampas sa tinalagang pitong (7) taon, kasama na ang grace period na dalawang (2) taon para sa principal amount

Mga Kailangang Dokumento:

• Biodata ng aplikante
• OWWA certification na ang aplikante ay lehitimo at documented overseas worker, nakatapos ng Entrepreneurial Development Training, at may credit history
• Business plan o proposal na nagsasabing ang negosyo ay magbibigay kita para sa OFW at kanyang pamilya

Kung ang pondo ay gagamitin sa isang existing business:

• Mga kasulatan o kontrata gaya ng purchase order, service contract o agreement mula sa mga naging kliyente ng negosyo
• Certificate of Registration mula sa Department of Trade and Industry (DTI)
• Mayor’s Permit
• Income Tax Return (huling tatlong taon)
• Financial Statements na nai-file sa Bureau of Internal Revenue (huling tatlong taon)
• Interim Financial Statement (kung naaayon)
• Statement of Assets and Liabilities